للاعلان

Sun,27 Nov 2022

عثمان علام

أيمن الشريعي يرثي علاء حجازي: مات الجدع

أيمن الشريعي يرثي علاء حجازي: مات الجدع

07:26 pm 16/11/2022

| رأي المستقبل البترولي

| 610


أقرأ أيضا: حدث في مثل هذا اليوم 26 نوفمبر 2022

أيمن الشريعي يرثي علاء حجازي: مات الجدع

 


مش هكتب عرفته ازاي وامتى وفين ولا علاقتنا كانت ايييه ، لان طوول ما احنا عايشين بنقابل ناس كتير منها علاقات تُطول ومنها اللي بيتغير على طول ممكن لإختلاف الأراء أو تغير المناصب والمراكز والاوضاع وساعات بالغصب ولَوّيْ الدراع ، بس الجدع اللي مات كان غير كل اللي فات ، أصل جدعنته كانت حقيقه مش تمثيل خارجه من قناعات يحصل اللي يحصل في النهاية احنا ماشيين ، يمكن علشان شاف الموت كتير 
فالحق كان عنده موضوع اصيل


بس شهاده لله ، كان صاحب افضال في حق ضاع وصل لأصحابه لحد الباب بغض النظر كان عند مين وهيروح لمين ، لمساته سحرية في كشف الالتواءات وشغل الاشتغالات 
وعلشان الجدعنه تلاقي له جدع في كل مكان 
ماهي الجدعنه مش بالمزاح دي حاجه بيتولد بيها الانسان في الجينات لا تعرف تِسَلفها لحد ولا تِسْتلفها من حد 
تعرفها وانت عايش في عيون الناس وتجيلك وانت ميت بالدعوات .


مات الجدع….صديقي علاء حجازي

أقرأ أيضا: مدبولي يستعرض مستجدات مشروع إنتاج الهيدروجين الأخضر في مصر

التعليقات

أستطلاع الرأي