خلى بالك لو مسافر خد معاك كل الحاجات خد معاك حبة تراب خد معاك ريحة اللى مات خد كمان حبة امان خد شوية امنيات خد حبايبك جوة صورة واوعى تنسى الذكريات خد قلوب عشقت رجوعك خد معاك حتى العياط خد دعاء امك وابوك والصحاب جوه الحارات خد معاك الم فراقك خد معاك نظرة سكات خد وجع سفرك فى ايدك خد معاك نظرة وداع خد معاك كل اللى فات واوعى تنسى اى حاجة وافتكر كل الحاجات وخلى بالك مصر مبتنساش ولادها. بهذه الكلمات الحزينة أبدا فاليوم عدد من العناصر الارهابية والمرتزقة استهدفت كمين أمنى جنوب مدينة العريش مما أسفر عن مقتل عدد من العناصر الارهابية واستشهاد مجموعة من جنود مصر الاوفياء من ولاد مصر الابرياء وتركوا رسائل عديدة لنا اهما هى الحفاظ على مصر فالشهيد عمر القاضى ترك لنا رسالة أبكت الجميع شهيد سجل اسمه بأحرف من نور فى قائمة الشرف شهيد اعطى الجميع درس فى كيفية الحفاظ على الاوطان عمر القاضى شهيد صاحب ٢٤ عاما ابن قرية ساقية المنقدى شهيد ترك تدوينة له قائلا (لكل أجل كتاب وعيدوا انتم وانا هستناكم هنا ربما الموت يقترب منى وانا لا اشعر به لطفك يا الله فى سكرة موتى ان تكون خاتمتى حسنة ثم الجنة) شهيد ترك لنا رسالة قوية قولوا لأمى متذعلش ابنك مات راجل وخلوا بالكم منها ومتنسونيش هذه وصية الشهيد عمر القاضى، يا وجع القلب يا ولاد مصر يا زينة الشباب يا أغلى الولاد انتوا كرامة مصر وعزتها انتم تاج الجبين انتم رجالها انتم مصدر فخرنا لن ننساكم ولن نترك الخونة ولكل ارهابى ولكل جماعة ولكل خائن عمركم ما هتعرفوا غلاوة تراب سيناء ولا معنى كلمة وطن ولا هتقدروا تفهموا يعنى ايه حب وانتماء ولا ازاى ام شهيد بتفرح وهى بتزف ابنها للجنه ولا ازاى ابوالشهيد بيقول خدونى مكانه فدى مصر وجيشها فمصر لن تهزم ولن تركع فمصر أرض لا تموت وشعب لا يندثر ونور قد يخفت لكنه لا يظلم أبدا فمصر فى قلوبنا ليوم الدين.
واخيرا وليس أخرا، لك السلامة يا مصر وسلاما يا بلادى وأن رمى الخائن سهامه ارتقيها فى فؤادى تسلمى يا مصر بقائدك وبجيشك وشبابك وشعبك، ونحن نثق فى قيادتنا وفى جيشنا ونعلم ان الرئيس عبدالفتاح السيسى رئيس جمهورية مصر العربية والذى ارسل رسالة للجميع بأن مصر لا تنسى اولادها ولا شهدائها وأن القصاص آتى لا محالة وأن مصر لن تركع لأحد، سيدى الرئيس نجدد العهد ونجدد التفويض لسيادتكم سيدى الرئيس شعبك يثق فى قيادتك ومصر فى طريقها طريق التنمية طريق المستقبل طريق العزة والكرامة طريق قيادة أمة قيادة منطقة.
تحيا مصر بجيشها وشعبها.
