رمضان يا احلي شهر بنستناه
يا اجمل ايام العمر اللى عمرنا ماننساه
يا ذكرياتنا الجميله.
يا ضحكتنا اللي من جوه قلوبنا
يا شهر الرحمه والمغفره والقرب للى خالقنا
يا شهر الخير والود والمحبه
رمضان يا لمتنا الحلوه.. رمضان يا بساطة بلادى وفرحة ولادى ونور بيتى.
سبحه وسجاده وجلابيه. تراويح وفانوس وساعه فجرية
كل حرف في اسمك بينادينا بيفكرنا باغلي الناس لينا.. واجمل اللحظات وتفاصيل جميله محفوره في عقولنا ..
روح جدودى اللى دايما بتكون جنبي وتخليهم نسمع منهم احلي الحكاوى ايام رمضان
(م)
مسحراتى بينادى اسمى واسم اخواتى ويصحينا علي فرحه جميله
موده وحب ولمه جميله في بيت العيله وصوت اذان الفجر ينادينا
(ض)
ضوء فوانيس في شوارع مصر وبيوتنا بتغنى حالو يا حالو وفوازير رمضان واصحابي وجيرانى ولعب الطفوله وانوار موجودةفي كل مكان
(ا)اكله امى وريحته ساعه المغرب ولمتنا علي سفرتنا وفرحتنا بوجود ابويا جنبي واحلي عيله
اغانى جميله بفرحه رمضان واصوات الزحمه في بيوت حوالينا
(ن) نور في قلوبنا ونعم كتيره نحس بيها..
ونغم القران يهدينا ودعوات من القلب تدفينا..
وفجأة يروح ويوحشنا ونستناه سنه كامله
حروف من نور بتعبر عن حاجه جميله جوانا عن فرحه بنستناها عن راحه بنحس بيها حروف من الحب والالفه والترابط والطمأنينه..
