10:20 am 09/10/2018
تحت رعاية المهندس هشام رضوان رئيس شركة جاسكو، نظمت اللجنة النقابية برئاسة السيد رابح عسل معرض لمنتجات صنع في مصر .
وقد تم عرض منتجات لشركات مصرية مثل كورونا وسافو وغيرهم من الصناعات المصرية اليدوية والمفروشات والمأكولات .
وقد حضر المعرض الذي يستمر لمدة يومين المهندس عبدالستار الدمرداش والمهندس محمود انور والمهندس محمد الشريف واللواء ايهاب اسعد والمحاسب احمد العبد مساعد المالية واللواء عصام عبدالله نائب الشئون الادارية والمهندس ابراهيم محمود والمهندسة عزه جمعه والسيدة نهاد الجبالي مدير عام الإعلام واحمد رجائي وعايده محي عضو المجلس التنفيذي للنقابة العامة، وياسر فاروق واسلام وحيد و وائل سعيد ونادر نوفل ومنتصر الجوهري ورامي الشرقاوي واحمد صلاح مجاهد من اللجنة النقابية.
كما حضر عدد كبير من الادارات المختلفة المهندس هشام الغرباوي وهبه مصطفى مدير مكتب رئيس مجلس الإدارة وداليا صلاح الدين
ويأتي هذا المعرض تدشيناً لمبادرة "من النهارده مصر" وهو رابع معرض يقام في جاسكو
ويقول المسئول عن المبادرة: "مبادرة من النهاردة مصري"، بدأت الفكرة من الحاجات اللي اتربينا عليها وعشنا عليها كلنا.....بعد ارتفاع سعر الدولار وارتفاع أسعار السلع المستوردة. قلنا هي الحاجات دي راحت فين ولية مبقتش موجودة مع أن زمان مكنش في غيرها.....فقلنا احنا كل يوم نختار منتج من المنتجات دي وننزلة علي السوشيال ميديا عشان الناس تشترية ونجربة بنفسنا واطلقنا اسم (انهاردة اية) ونحط بعدها اسم المنتج....لقينا الموضوع عمل صدي جامد جداً علي السوشيال ميديا والناس تفاعلت بشكل غير متوقع لدرجة أن التجار والمحلات بقوا يستنوا المنتج اللي حننزلة كل يوم عشان يرفعوا سعرة.....ولقينا 3 حاجات....اول حاجة لقينا ناس مش مصدقين نفسهم أن الحاجة لسة جودتها عالية زي زمان....وتاني حاجة أن في ناس مش لاقية الحاجات دي فقلنا يبقي الشركات دي عندها مشكلة فالتسويق.....تالت حاجة ان في تجار زودت السلع اللي كنا بنختارها....قلنا طب نحل المشكلة دي إزاي....فقررنا نعمل معرض كبير نجمع في كل ما هو( مصري فقط)....سلع غذائية....أدوات منزلية....ملابس الخ الخ الخ......وقلنا نبقي ضربنا 3 عصافير بحجر واحد...الأول إننا نوفر للمستهلك منتجات جيدة واسعارها فالمتناول من غير ما تاجر يقعد يقولة كل يوم أصل السعر زاد عشان خاطر الدولار..الثانى أننا ندي فرصة للشركات دي أنها ترجع تنافس تاني فالسوق طالما هي كل مشكلتها فالتسويق بس وأنها تفتح خطوط انتاج جديدة عشان تواكب الطلب علي منتجاتها وبالتالي تحتاج عمالة اكتر ف حتوفر فرص عمل واحنا حاولنا نساعد بعضهم يطور نفسه وفقاً لمتطلبات السوق و المنافسة زي التغليف و التعبئة و ال ستايل بالنسبة للملابس وكدة والناس بصراحة كانت في منتهي التعاون وفعلاً فوجئنا كلنا بموديلات جديدة تقدر فعلا تنافس...التالت أننا نواجة جشع التجار اللي بيزودوا أسعار السلع علي مزاجهم لأن المستهلك حيعرف من المصدر نفسة اللي هو الشركة أو المصنع سعر الحاجة دي ف السوق كام.....فمحدش من التجار يضحك علية أو يستغلة...الحمد لله عملنا اول معرض يوم 28 أكتوبر فالتجمع الخامس بداون تاون قطامية اللي استضافوا المعرض بدون مقابل وقالولنا نصا (احنا مش اقل منكم وطنية) وافتتحت المعرض الدكتورة غادة والي وزيرة التضامن.....وناس كتير سالتنا لية اختارتوا التجمع الخامس لأول معرض....وكان ردنا اول حاجة أن منطقة زي التجمع الخامس القوة الشرائية فيها كبيرة جداااا وتاني حاجة انهم بيعتمدوا علي منتجات كتير مستوردة واحنا عاوزين نقولهم أن في حاجات كتير جدااا من اللي بتستخدموها وهي مستوردة ليها بدائل كتير مصرية(وجودتها عالية)تالت حاجة ان تواجد الشركات دي وسط مول أو ما شابة بيعرض الحاجات المستورده بيكسبهم خبره في طريقه العرض و تحسين الذوق العام ،،، بعد كدة قلنا احنا لازم نحاول عاي اد مانقدر نلف محافظات مصر كلها ،،،عملنا معرض فالجيزة، ، ، ، وعملنا معرض فمرسي مطروح وعملنا معرض فالمنصورة، ، ،وعملنا معرض في الاسكندرية، ، ، موقفناش بس علي كدة، ، ، روحنا المدارس الانترناشيونال بالمعرض عشان نعرف الجيل الجديد بمنتجات بلدهم لأن طبعا الجيل الجديد مش حيقتنع إلا لو شاف بعينة، ، ، روحنا كمان الجامعات، ، ، قلنا اية تاني ممكن نعملة عشان المنتجات دي تظهر للنور اكتر ؟ ؟ ؟ بدأنا نعمل معارض داخل الشركات عشان جالنا تعليقات كتير أن مش كل الناس بتقدر تروح المعارض، ، ،مش بس الشركات المصرية اللي كانت ظروفها صعبة، ، ، لا كمان في ملاجئ أيتام وجمعيات خيرية بيعملوا شغل يدوي ممتاز بس مكنش عندهم الامكانيات انهم يسوقوا لنفسهم ويبيعوا منتجاتهم، ، ، بس الحمد لله وفرنا ليهم مكان فمعارضنا وقدروا من خلال معارضنا يستغنوا عن التبرعات، ، ، بلغ عدد معارضنا حتي الآن حوالي 16 معرض ...
سألنا نفسنا سؤال.....هو احنا عندنا مشاكل ف اية تاني وممكن نساهم ولو بشكل بسيط ف حلها؟؟؟؟؟
لقينا مشكلة السياحة وان في قطاع كبير جداااا من العاملين بالسياحة حياتهم واقفة......فاتفقنا مع شركة سياحة أنها تنزل معانا مجموعة المعارض عشان تسوق للسياحة فمصر ونعرف المواطن المصري أن بلدنا فيها أماكن سياحية هايلة الناس بتجيلها من آخر الدنيا....
وف نفس الوقت عاملين جوائز لرواد المعرض اللي بيشرفونا (رحلات مجانية لأجمل الأماكن السياحية داخل مصر).....
حلمنا إن شاء الله اللي بنحاول نوصلة أننا نطلع بالمعرض دة برة مصر وندي فرصة للتصدير للمصانع والشركات دي بمساعدة ربنا أولا ومساعدة الشركات في تطوير نفسها ثانيا بعد ما بقي" من النهاردة مصري"
مصر وشركاتها ومصانعها حتقوم بشعبها مصر اقوي بشعبها
