للاعلان

Wed,01 Feb 2023

عثمان علام

أولاد الاصول رزق…شيماء محمد

أولاد الاصول رزق…شيماء محمد

09:40 pm 25/11/2022

| رأي المستقبل البترولي

| 1099


أقرأ أيضا: اعتماد الموازنة التخطيطية لـ بتروسيلة.. وإشادة من قيادات الهيئة المصرية العامة للبترول

أولاد الاصول رزق…شيماء محمد

 

هنلف ليه على بعض وندور ..معروف ليه بنقول رزق على ولاد الاصول ..ابن الاصول مش بيجرى على المنفعة..ولا تعد صوابعك وراه وتلاقيهم  بقوا اربعة …
لا بيسمع سرك ويروح يذيعه ..ولا من مبدئه من باعك بيعه ..
ابن الاصول شاطر ملوش فى النفسنة ..والكل بيشهد ليه بطبع الطيبة والجدعنة ..


سلاحه ابتسامته وايه الجديد ..ما الابتسامة دايما بتفل الحديد ..
ابن الاصول بيشم ايده يشبع ..وغيره بمال الدنيا ما يقنع ..
وجوده رزق وهنعرف ليه… . بس ايه علامته ونعرفه ازاى يا بيه …ابن الاصول عمره ما بيبص فى حياة ولا رزق غيره …
عمره ما ينكر فضل حد عليه بعد ربه ..ولا يرد اذى باذى ولا إساءة  بإساءة ..وقت الشدة لو احتجته لازم تلاقيه ويقولك رقابتى سداده…. .وممكن كمان من غير ما تطلب  قدامك هتلاقيه مادد أيده والصدق فى عينيه ..


يساعد الكل من غير مصلحة ..بيتاسف لما بيغلط على طول ويقولك حقك عليا ..ولو طلبت منه اى طلب يقولك عنيا ..ولما يقولك هعمل صدقه ..لانه ولا من التسويف ولا المماطله ابدا طبعه ..ومفيش حاجه توجعه قد انه حد يمد ليه ايده وخايف ما يقدر ينجده او يضيعه ..
ابن الاصول صاحب صاحبه ... يستحيل يبيع حد عشان مصلحته ..اللف والدوران مش سكته ..وعشان كده ربنا بيرمى فى قلب الكل محبته ..


بيحب الخير لغيره ..ويهمه راحة ضميره ..
ابن الاصول من الاخر مش منصب ولا جاه ..
ابن الاصول مهما كان ناجح او عنده كتير ..اخلاقه غلباه ..مبيعرفش ولا يتغر ولا يستكبر على خلق الله ..


دى دعوة امك ليك ربنا يوقف لك ولاد الاصول فى حياتك ودنيتك ..اتمسك بيهم دوول رزق وهبه الله  لجعل حياتك جنتك ..
واللى مش منهم ..حاول تخلى ما بينك وبينهم دايما مقفول بابك …ومتصدق ابدا انهم اصحابك واحبابك ..
متعلمش امتى المصلحه  تقف ما بينكم وساعتها  ممكن يجى عليك الدور ..


وتلاقى نفسك يا مداس عليك ..او محدوف من اعلى دور ..بعد ما كنت على رأسهم مرفوع …. هتكون تحت رجليهم  وفى الحزن منقوع..
مع غير ولاد الاصول ..اتاكد انك ان خطيت طريقهم.. فمفيش منه ابدا رجوع ..
ربنا يجعلنا دايما فى صحبة ولاد الاصول ولاد  الناس ..ويجعلهم دايما  سند فى حياتنا وتاج لينا على الراس..

أقرأ أيضا: ارتفاع مخزونات النفط الأمريكية لأعلى مستوى منذ يونيو 2021

التعليقات

أستطلاع الرأي